Mbrëmjen e kësaj të premteje, sulmuesi i Kombëtares, Armando Broja, ishte i ftuar në një emision televiziv Broja ka spikatur në fushën e gjelbër për driblimet me topin, shpirtin luftarak dhe atdhetarinë. Ai nuk ka lyer kurrë flokët dhe nuk ka asnjë tatuazh në trup.

Për këtë, Broja thotë se, pavarësisht se është lindur dhe rritur në Angli, ka respektuar traditat e origjinës së tij malësore. Asnjë prej pjesëtarëve të familjes së tij nuk ka “eksperimentuar” me flokët apo nuk ka tatuazhe. Broja ka ndjekur traditën familjare.

“Unë jam mësuar gjithmonë me tradita malësore. Edhe babi nuk i ka lyer flokët dhe nuk ka tatuazhe. Të gjithë kushërinjtë dhe familjarët nuk kanë. Edhe për mua e njëjta gjë është, nuk kam shumë qejf që të lyej flokët, apo të bëj tatuazhe. Kështu jam unë, kështu është familja”, thotë futbollisti.

Megjithatë, Broja zotohet se, nëse Kombëtarja Shqiptare hyn në Botëror, ai do të lyejë flokët kuq e zi.

“Nëse shkojmë në Botëror, atëherë po i bëj flokët kështu, kuq e zi, gjysmë për gjysmë edhe fytyrën”, premton Broja.

The post Zotimi i futbollistit shqiptar: Po shkuam në Botëror, do bëj flokët kuq e zi! appeared first on Sot News | Lajme.

Presidenti amerikan Donald Trump, ai francez Emmanuel Macron dhe homologu i tyre ukrainas, Volodymyr Zelensky kanë njoftuar se do të marrin pjesë në varrimin e Papa Françeskut, i cili ndërroi jetë një ditë më parë. “Melania dhe unë do të shkojmë në funeralin e Papa Françeskut në Romë”, shkroi në ‘Truth’ presidenti anerikan.

Ndërkohë Presidenti Macron tha për mediat lokale: “Ne do të jemi të pranishëm në funeralin e Papës, siç është e drejtë. Presidenca është në pritje të datës së funeralit të Papës dhe po përgatitet për vizitën e presidentit ukrainas në Romë për t’i dhënë lamtumirën Papës,” tha një burim në kushte anonimiteti.

The post Vdekja e Papa Françeskut/ Ja disa nga liderët botërorë që do të marrin pjesë në ceremoninë mortore… appeared first on Sot News | Lajme.