Presidenti francez Emmanuel Macron theksoi se krijimi i shtetit të Izraelit është rezultat i një vendimi të OKB-së dhe se kryeministri izraelit Benjamin Netanyahu nuk duhet të “shfuqizojë” këto vendime.

Ai iu referua votimit të Asamblesë së Përgjithshme të OKB-së në nëntor 1947, i cili miratoi planin për ndarjen e Palestinës në dy shtete.

Macron kritikoi ndërhyrjen tokësore të forcave izraelite në Libanin jugor, duke theksuar se tani nuk është koha për të anashkaluar rezolutat e OKB-së.

Ai përmendi rezolutën 1701 të Këshillit të Sigurimit, e cila përcakton që vetëm ushtria libaneze dhe forcat paqeruajtëse të UNIFIL mund të jenë në këtë zonë.

Netanyahu, nga ana e tij, pretendon se Hezbollahu po përdor pozitat e UNIFIL për të sulmuar Izraelin dhe ka kërkuar që OKB-ja të dërgojë paqeruajtësit në mënyrë të sigurt.

Macron pritet t’i shprehë sot shqetësimet e tij kryeministrit izraelit.

LEXONI GJITHASHTU:

• Bashkëpunim në krimet e luftës së Izraelit, OJQ-ja franceze padit Macron në OKB
• Presidenti Biden bisedon me Netanyahun, Izraeli vazhdon sulmet në Gazë dhe Liban

The post Macron: Netanyahu nuk duhet të anashkalojë vendimet e OKB-së për Izraelin appeared first on Euronews Albania.