19.3K views

💾

2149 views

💾

3760 views

💾

12.6K views

💾

46.9K views

💾

331 views

💾

13.7K views

💾

9805 views

💾

27.1K views

💾

9229 views

💾

21.3K views

💾

Protesta e organizuar nga Gjenerata Z në Hagë të Holandës përfundoi me 34 të arrestuar, shumica e tyre të moshës 15 deri në 18 vjeç. Sipas policisë holandeze, tubimi përfundoi pa trazira të mëdha, por u regjistruan disa incidente dhe përplasje me efektivët. Të arrestuarit akuzohen për vepra të ndryshme, mes tyre dhunë në publik, […]

Një gjykatë federale në Shtetet e Bashkuara ka rrëzuar padinë prej 10 miliardë dollarësh të presidentit Donald Trump kundër gazetës “The Wall Street Journal”, lidhur me një artikull që pretendonte se ai kishte shkruar një letër me përmbajtje sugjestive për financierin e dënuar për krime seksuale, Jeffrey Epstein.

BBC shkruan se, gjykatësi Darrin Gayles vendosi të rrëzojë çështjen, duke argumentuar se pretendimet e presidentit amerikan nuk mbështeteshin në prova të mjaftueshme dhe se padia binte ndesh me parimet e Amendamentit të Parë të Kushtetutës amerikane, i cili garanton lirinë e shtypit dhe të shprehjes.

Trump kishte paditur kompaninë mëmë të gazetës, Dow Jones, si dhe drejtuesin e saj, Rupert Murdoch, pasi gazeta publikoi një artikull mbi një letër që pretendohej se presidenti amerikan ia kishte shkruar Epstein në vitin 2003, me rastin e 50-vjetorit të lindjes së këtij të fundit.

Trump ka mohuar vazhdimisht se e ka shkruar apo nënshkruar letrën, e cila përmbante disa shprehje sugjestive dhe një vizatim me konturin e trupit të një gruaje të zhveshur.

Është hera e dytë që padia e Trump për shpifje rrëzohet. Fillimisht, presidenti kishte kërkuar 20 miliardë dollarë dëmshpërblim, por pas rrëzimit të çështjes, ekipi i tij ligjor e riparaqiti padinë duke kërkuar 10 miliardë dollarë.

Këtë herë, gjykatësi e hodhi poshtë çështjen “me efekt përfundimtar”, që do të thotë se padia nuk mund të paraqitet sërish në të njëjtën formë.

Në vendimin prej 20 faqesh, Gayles vlerësoi hetimin e gazetës, duke e cilësuar atë si një punë “të kujdesshme dhe të detajuar”. Ai argumentoi se ekipi ligjor i Trump nuk kishte arritur të provonte se gazeta kishte publikuar informacione të pavërteta duke e ditur se ishin të tilla, apo duke shpërfillur me vetëdije mundësinë që ato të ishin të rreme.

Gjykatësi e përshkroi padinë si një përpjekje për të “kapur çdo fije të mundshme” dhe për të krijuar artificialisht mangësi në punën gazetareske.

Sipas legjislacionit amerikan, për të fituar një çështje shpifjeje, një figurë publike duhet të provojë se media ka vepruar me atë që në jurisprudencën amerikane njihet si “keqdashje e vërtetë” (actual malice). Ky standard kërkon prova se publikuesi e dinte që informacioni ishte i rremë ose kishte vepruar me shpërfillje të pamatur ndaj vërtetësisë së tij.

Ekipi ligjor i Trump kishte argumentuar se, pasi presidenti mohoi autorësinë e letrës kur u kontaktua nga gazeta, “Wall Street Journal” duhej të kishte hequr dorë nga publikimi i artikullit, pavarësisht informacioneve të tjera të siguruara gjatë hetimit.

Por gjykatësi Gayles e kundërshtoi këtë argument, duke theksuar se standardi ligjor për shpifjen nuk kërkon që gazetarët të heqin dorë nga publikimi vetëm sepse një figurë publike mohon një pretendim.

Në vendimin e tij, ai paralajmëroi se një interpretim i tillë do të nënkuptonte se sa herë një personazh publik ose përfaqësuesit e tij mohojnë një akuzë, gazetarët do të pengoheshin automatikisht të publikonin informacione kritike apo që bien ndesh me deklaratat e tyre.

Sipas tij, një përfundim i tillë do të ishte në kundërshtim me lirinë e shtypit të garantuar nga Kushtetuta amerikane.

Letra për Epstein, në qendër të përplasjes gjyqësore

Artikulli i “Wall Street Journal” lidhej me një libër të përgatitur për 50-vjetorin e lindjes së Jeffrey Epstein në vitin 2003, ku ishin përfshirë mesazhe dhe dedikime nga persona të ndryshëm.

Sipas gazetës, letra që mbante emrin e Donald Trump përmbante disa rreshta të daktilografuar, të rrethuar nga konturi i një gruaje të zhveshur, i cili dukej se ishte vizatuar me një marker të trashë.

Në përmbajtjen e saj thuhej, sipas raportimit, një frazë ironike se “enigmat nuk plaken kurrë”, ndërsa mesazhi përfundonte me fjalët: “Një mik është një gjë e mrekullueshme. Gëzuar ditëlindjen – dhe u bëftë çdo ditë një tjetër sekret i mrekullueshëm”.

Trump ka mohuar se letra është shkruar apo nënshkruar prej tij dhe ka pretenduar se dokumenti është i falsifikuar, ndërsa ka akuzuar gazetën se publikimi kishte për qëllim dëmtimin e reputacionit të tij.

Çështja u publikua në një periudhë kur administrata Trump po përballej me kritika të forta, si nga demokratët, ashtu edhe nga republikanët, për mënyrën se si po trajtonte dokumentet e lidhura me Jeffrey Epstein.

Vendimi i fundit i gjykatësit përbën një zhvillim të rëndësishëm në përplasjen ligjore mes presidentit amerikan dhe një prej mediave kryesore në SHBA, duke rikthyer në vëmendje kufijtë mes pretendimeve për shpifje dhe mbrojtjes kushtetuese të lirisë së medias./ad

73 vjet më parë, në nëntor të vitit 1953, u vu në skenë opera “Rusalka”.

Kjo ishte opera e parë e vënë në skenë nga Filarmonia Shqiptare, shfaqje me të cilën mori udhë krijimi i Teatrit Kombëtar të Operës, Baletit e Ansamblit Popullor.

Në fondin e Agjencisë Telegrafike Shqiptare gjenden disa foto nga premiera e nëntorit të vitit 1973. “Rusalka”, me subjekt sipas dramës së Alexander Sergeyevich Pushkin dhe me muzikë të Alexander Dargomyzhsky, është një vepër që përfaqësonte në atë kohë, artin realist rus.

Në imazhet e ruajtura në arkivin e ATSH-së, shfaqen disa nga mjeshtrat e vokalit operistik shqiptar. Në opera interpretuan: Jorgjia Truja, Hysen Pelinku, Zihni Berati, Gjyzepina Kosturi, Marie Kraja, Haxhi Tafaj, Takuina Truja, Zeqir Agolli nën dirigjimin e mjeshtrit Mustafa Krantja, me baletmaestër Panajot Kanaçin.

Për vënien në skenë të operës ndihmuan artistët sovjetikë, regjisori Ilia Azhotkin, pedagogu Kostandin Rushev dhe baletmaestrja Tatjana Rusheva. Skenografia u realizua nga i mirënjohuri Hysen Devolli. 150 artistë të Filarmonisë Shqiptare u angazhuan për realizimin e premierës dhe balerinët pjesëmarrës në shfaqje, për herë të parë filluan të kërcejnë në puante./atsh/KultPlus.com

Një protestues është përplasur verbalisht me Avokatin e Popullit, Endri Shabani, në ambientet e një lokali në Tiranë. Siç duket nga pamjet e publikuara në rrjet, një qytetar protestues, i është drejtuar Shabanit me akuza dhe tone të ashpra, duke shprehur indinjatën për qëndrimet e institucionit që ai drejton, kundrejt zhvillimeve të fundit në protesta. […]

The post “Tradhtar, i shitur”/ Protestuesi përballet me Endri Shabanin në lokal: S’të vjen turp appeared first on BoldNews.al.

NEW YORK, 1 nentor, ATSH/ Modelja gjermane Heidi Klum ka zbuluar kostumin e saj për Halloween 2026, duke sjellë një tjetër transformim të pazakontë dhe “makabër”.

E njohur për kostumet ekstravagante që prezanton çdo vit, Klum këtë herë është shfaqur e transformuar në dorën e saj të majtë të prerë, me inde të përgjakura, thonj të gjatë të kuq dhe gishta të zbukuruar me unaza.

“Talk to the hand” (Fol me dorën), shkroi ajo në postimin në Instagram, duke shoqëruar me humor pamjen e saj të pazakontë.

Përmes grimit dhe protezave, modelja ka realizuar një transformim që tërheq vëmendjen për realizmin e detajeve dhe estetikën horror.

Heidi Klum është kthyer në një nga personazhet më të komentuara të Halloween-it, falë kostumeve të saj origjinale dhe transformimeve që prezanton çdo vit në festën e saj tradicionale.

The post Heidi Klum surprizon sërish për Halloween, shndërrohet në dorën e saj të prerë appeared first on Agjencia Telegrafike Shqiptare.

Aktorja përdor një përzierje të pazakontë, të cilën mund ta përgatisni edhe në shtëpi. Megjithatë, ajo ka pranuar se pas këtij trajtimi përballet me një shqetësim që mund të zgjasë disa ditë

Flokët e gjatë, të errët dhe plot shkëlqim janë prej vitesh një nga tiparet më të dallueshme të Catherine Zeta-Jones. Megjithëse pamja e saj elegante lidhet shpesh me trajtimet profesionale dhe produktet luksoze, aktorja ka zbuluar se ka përdorur edhe një mënyrë shumë më të thjeshtë për kujdesin ndaj flokëve.

Bëhet fjalë për një përzierje me vetëm dy përbërës: birrë dhe mjaltë.

Në një deklaratë të raportuar nga revista britanike Marie Claire në vitin 2009, aktorja tregoi se e përdorte këtë kombinim si zbutës për flokët, ndonëse kishte një mangësi të pazakontë: aroma e birrës mund t'i mbetej në flokë për disa ditë.

Pse përdoren birra dhe mjalti për flokët?

Birra përmban përbërës që rrjedhin nga malti dhe humlusi, ndërsa mjalti njihet për vetitë e tij si humektant, që do të thotë se ndihmon në tërheqjen dhe ruajtjen e lagështisë.

Përzierja mund t'u japë përkohësisht flokëve ndjesi më të butë dhe pamje më të lëmuar. Megjithatë, nuk ka prova të forta shkencore se përdorimi i birrës dhe mjaltit përshpejton rritjen e flokëve, riparon dëmtimet e tyre ose parandalon rënien.

Prandaj, kjo maskë duhet konsideruar një trajtim shtëpiak kozmetik, jo zëvendësim i produkteve të provuara për kujdesin ndaj flokëve.

Si përgatitet maska me birrë dhe mjaltë?

Përbërësit:

• Gjysmë filxhani birrë pa gaz
• 2–3 lugë gjelle mjaltë

EPA

Përgatitja dhe përdorimi

Fillimisht, lëreni birrën të qëndrojë e hapur për disa orë, derisa të humbasë gazin. Më pas shtoni mjaltin dhe përziejeni derisa të krijohet një masë homogjene.

Lani flokët me shamponin tuaj të zakonshëm dhe aplikojeni përzierjen nga mesi i gjatësisë së flokëve deri te majat.

Shmangni vendosjen e saj drejtpërdrejt në lëkurën e kokës, veçanërisht nëse është e ndjeshme, e irrituar ose ka probleme dermatologjike.

Lëreni maskën të veprojë rreth 15–20 minuta dhe më pas shpëlajini flokët mirë me ujë të vakët. Nëse mbetet ndjesia e ngjitjes ose aroma e birrës, përdorni sërish një shampo të butë.

Kjo është një mënyrë e propozuar e përgatitjes së maskës, jo një recetë me sasi dhe kohëzgjatje të konfirmuara nga vetë aktorja.

Çfarë duhet të keni parasysh para përdorimit?

Përpara aplikimit, provoni një sasi të vogël të përzierjes në një zonë të kufizuar të lëkurës për të kontrolluar nëse shkakton irritim. Personat me alergji ndaj mjaltit ose përbërësve të birrës duhet ta shmangin.

Gjithashtu, përdorimi i maskës nuk mund të zëvendësojë balsamin, mbrojtjen nga nxehtësia apo trajtimin dermatologjik në rastet e rënies së shtuar të flokëve.

Edhe pse Catherine Zeta-Jones e ka përmendur këtë kombinim si pjesë të kujdesit të saj personal, flokët e shëndetshëm varen nga shumë faktorë, përfshirë gjenetikën, ushqyerjen, gjendjen shëndetësore dhe mënyrën e përditshme të kujdesit. /Telegrafi/

Një mjet ajror pa pilot i armikut ra në territorin e një fabrike asfalti në qytetin Uman, në rajonin e Çerkasit. Ngjarja u bë e ditur nga Administrata Ushtarake Rajonale e Çerkasit, siç njofton Antikor, duke iu referuar Administratës Ushtarake Rajonale të Çerkasit. Si pasojë e rënies së dronit, u dëmtua baza fqinje e materialeve […]

Last Updated on 01/11/2026 by Anisa

Kryeministri Edi Rama zhvilloi sot një bisedë me ekspertët e AKSHI-t të angazhuar në konfigurimin e platformës, për t’u njohur nga afër me funksionalitetet dhe risitë që ajo sjell.

Kreu i qeverisë bëri të ditur se platforma “Pasqyrë Albania” do të jetë e aksesueshme nga kompjuteri dhe telefoni, ndërsa në ditët në vijim pritet të mundësojë edhe komunikimin e drejtpërdrejtë të qytetarëve me institucionet.

Sipas Ramës, sistemi do të integrojë gradualisht edhe inteligjencën artificiale, me synimin për të përshpejtuar marrjen e informacionit dhe trajtimin e kërkesave të qytetarëve.

Eksperti i AKSHIT u shpreh se një seksion ia kanë dedikuar edhe pasqyrimit të gjithë web site-ve të ministrive dhe institucioneve të linjës.

“Këtu qytetarët do kenë mundësi, që drejtpërdrejt institucionin që ato kërkojnë, ta kontaktojnë dhe të informohen mbi të gjithë informacionin që lidhet me të”, tha ai.

Kryeministri Rama: Çdo institucion do të jetë në këtë Pasqyrë. Pra, “Pasqyrë Albania” është një inovacion që përmbledh të gjithë shtetin, të gjitha dritaret dhe dyert e shtetit në pasqyrën dixhitale të celularit apo të kompjuterit tënd.

Dhe mjafton një klik për të shkuar tek dritarja apo për të trokitur tek dera që ke interes. Kjo pasqyrë e bën shumë më të thjeshtë dhe e bën shumë më të drejtpërdrejtë marrëdhënien e qytetarit me administratën dhe ndërkohë siç thashë e ekspozon tërësisht administratën, karshi sfidës sonë të përbashkët, timen dhe tuajën, për të pasur një administratë në dispozicion, në kohë sipas afateve të ligjit dhe me transparencë të plotë.

Eksperti i AKSHI-t: Gjithashtu kemi bërë të mundur që pasqyra mos të përdoret vetëm në web, por të instalohet edhe si aplikacion në Android dhe në IOS. Pra, qytetarët mund ta shkarkojnë drejtpërdrejt nga web-i dhe ta bëjnë ta përdorin si aplikacion edhe në desktop, por edhe në aplikacion edhe në telefon.

Kryeministri Rama: Edhe e-Albania vetë është brenda në pasqyrë. Pra çdo gjë është brenda në pasqyrë.

Eksperti i AKSHI-t:  Në ditët vijim do kemi mundësinë që të krijojmë një dritare në komunikim të drejtpërdrejtë të qytetarit me çdo institucion. Pra, nuk është vetëm thjesht një komunikim që qytetari bën me chatbot, por direkt drejtpërdrejt me institucionin përkatës. P.sh , në qoftë se një pensionist kërkon një informacion të caktuar mbi një institucion, po themi ISSH-në, atëhere ai do komunikojë direkt me institucionin në kohë reale, do të marri përgjigjen, do komunikojë, do marri përgjigjen. Kjo do jetë direkt edhe me individin, pra një person i përcaktuar, i cili do jetë i caktuar nga institucioni që do kthejë përgjigjen në kohë reale çdo kërkese që e bën qytetari dhe kjo do bëjë të mundur që, jo vetëm të kemi mundësinë të gjurmojmë ankesën, por të marrim para se qytetari të ketë një ankesë, informacionin mbi nevojën që qytetari ka për një çështje të caktuar sipas institucionit.

Kryeministri Rama: E në ndërkohë, kjo do trajnojë agjentët e inteligjencës artificiale, të cilët pastaj do t’i bëjnë këto ndërveprime pa pasur nevojë fare për njeriun mbrapa dhe gjithë sistemi do të jetë një sistem që do të funksionojë mbas një periudhe kohe, natyrisht sepse kërkohet një stërvitje, kërkohet një kohë, do të funksionojë me shumë më tepër shpejtësi, sepse do të jetë një sistem i harmonizuar tërësisht nga superinteligjenca, pra nga inteligjenca artificiale që tanimë ka filluar të hyjë në një fazë të re që quhet super inteligjenca.  Kështu që, më e mira është e gjitha përpara dhe të gjithë së bashku ndihmojmë njëri-tjetrin.

Edhe një herë tjetër për ta mbyllur “Pasqyrë Albania” është një ndër rezultatet e reflektimit mbi protestën e flamingove, mbi atë manifestim të madh të fillim qershorit.

Pjesa tjetër pastaj është një histori tjetër që nuk e përziej me Pasqyrën se pastaj na bëhet pis Pasqyra./ad

Ilir Vrenozi, militant i vjetër i Partisë Demokratike dhe një nga personazhet më të njohura të Facebook-ut shqiptar, ka publikuar një video në të cilën, me gjuhën e tij të zakonshme, pa shumë kujdes për fjalorin dhe pa pretendimin më të vogël për të bërë analiza politike, ngre një problem që drejtuesit e PD-së nuk […]