Në bisedimet për uljen e kostove te Mercedes ende nuk ka shenja për zgjidhje. Tani drejtuesit e koncernit kanë pezulluar të gjitha investimet në fabrikat në Gjermani dhe duan të shqyrtojnë mundësinë e mbylljes së tyre.

Te prodhuesi i automobilëve, Mercedes, negociatat për kostot me këshillin e punëmarrësve dhe sindikatën IG Metall kanë ngecur. Në këtë situatë, drejtuesit e koncernit kanë njoftuar se do të shqyrtojnë mundësinë e mbylljes së fabrikave në Gjermani për shkak të kostove të larta të prodhimit. Gjithashtu është vendosur që “të ndalen të gjitha investimet e mëtejshme në fabrikat në Gjermani”, deklaroi drejtori i prodhimit, Michael Schiebe, në një intervistë të publikuar në intranetin e koncernit.

Pavarësisht bisedimeve të shumta dhe intensive, aktualisht ende nuk shihet ndonjë “korridor zgjidhjeje” dhe, me strukturën aktuale të kostove, nuk mund të investohet në Gjermani, argumentoi Schiebe.

Drejtuesit kërkojnë lëshime nga punonjësit

Me këto njoftime koncerni po shton presionin ndaj punonjësve. Kompania ka nevojë për një vendim në negociatat me këshillin e punëmarrësve, në mënyrë që nga ana e punonjësve të bëhen disa lëshime, deklaroi drejtoresha e kuadrit Britta Seeger.

“Aktualisht një vendim i tillë nuk duket në horizont. Prandaj tani jemi të detyruar të shqyrtojmë konkretisht dhe në detaje se cilat fabrika në Gjermani mund të vazhdojmë t’i përballojmë.” Sipas saj, mbylljet duhen shmangur “me çdo kusht”, por tani fatkeqësisht kjo mundësi duhet shqyrtuar më konkretisht.

Drejtori i prodhimit Schiebe theksoi në intervistë, se kostoja e një ore pune në prodhim në Gjermani është në disa raste deri pesë herë më e lartë se në fabrikat në Evropën Lindore. Nëse nuk arrihet një marrëveshje, modelet e reja do të prodhohen vetëm jashtë Gjermanisë.

Seeger iu referua gjithashtu negociatave aktuale për pagat në industrinë e metalurgjike dhe atë elektrike. IG Metall kërkon një rritje page prej pesë për qind. “Një rritje e tillë do t’i shtonte edhe më tej kostot tashmë të larta të punës në Gjermani, ndonëse ato janë që tani tepër të larta krahasuar në nivel ndërkombëtar.”

Kërkohet javë pune 40-orëshe në vend të asaj 35-orëshe

Në total, Mercedes ka dymbëdhjetë qendra prodhimi në Gjermani. Aktualisht, kompania po zhvillon bisedime për të ashtuquajturën “ofensivë të produktivitetit”, me të cilën synohet ulja e kostove.

Për shkak të rënies së fitimeve në sektorin e veturave, drejtuesit kërkojnë që punonjësit të punojnë më gjatë pa kompensim shtesë në pagë. Është diskutuar për një javë pune prej 40 orësh në vend të 35 orëve. Për këshillin e punëmarrësve dhe IG Metall kjo është një vijë e kuqe, pasi java 35-orëshe konsiderohet një nga arritjet kryesore të sindikatës.

Kushtet në të cilat u arrit atëherë marrëveshja për shkurtimin e orarit të punës nuk ekzistojnë më, argumentoi Seeger. Sipas saj, një numër më i madh orësh pune do të mund ta rriste shpejt produktivitetin, pa prekur drejtpërdrejt pagat e punonjësve. Megjithatë, menaxhmenti synon të ndërhyjë edhe te pagesat shtesë, përfitimet vullnetare si pjesëmarrja në fitim, si edhe te komponentë të përcaktuar nga kontratat kolektive, si shpërblimet për pushimet dhe Krishtlindjet.

“Në një mjedis jashtëzakonisht sfidues”

Schiebe tha, se e kupton që “masat për të cilat po diskutohet kërkojnë shumë nga punonjësit tanë”. Por tani duhet vepruar: “Ndodhemi në një mjedis jashtëzakonisht sfidues, të karakterizuar nga tarifat doganore, presioni mbi çmimet, kërkesa më e ulët në treg dhe konkurrenca e fortë, veçanërisht nga Kina.”

Seeger deklaroi se edhe drejtuesit e koncernit do të pranojnë sakrifica financiare. Sipas saj, drejtuesit nuk kanë marrë rritje page në dy raundet e fundit të rritjes së pagave.

Mercedes është përballur gjatë viteve të fundit me rënie të shitjeve dhe të fitimeve. Schiebe ka hedhur në diskutim që disa javë më parë mundësinë e mbylljes së dy fabrikave në Gjermani, nëse kostot nuk ulen. Në këtë rast do të prekeshin një fabrikë gjermane e montimit të karrocerive dhe një fabrikë gjermane e sistemeve të lëvizjes (powertrain). Në fabrikat e powertrain-it prodhohen komponentë për automjetet./ad

Vezët konsiderohen ndër ushqimet më të pasura me vlera ushqyese dhe janë pjesë e rëndësishme e dietës së shumë njerëzve. Ato përmbajnë proteina cilësore, vitamina dhe minerale që ndihmojnë në funksionimin normal të organizmit.

Sipas ekspertëve të ushqyerjes, vezët janë një burim i mirë i proteinave, të cilat ndihmojnë në ndërtimin dhe mirëmbajtjen e muskujve, si dhe në riparimin e indeve të trupit.

Përveç proteinave, vezët përmbajnë vitaminën B12, vitaminën D, selen dhe kolinë. Kjo e fundit është veçanërisht e rëndësishme për funksionimin normal të trurit dhe sistemit nervor.

Çfarë ndodh nëse hani vezë çdo mëngjes?

Konsumimi i vezëve mund të sjellë disa përfitime ushqyese:

Ndihmojnë në mirëmbajtjen e muskujve: Proteinat që përmbajnë janë të rëndësishme për masën muskulore.

Mund të rrisin ndjenjën e ngopjes: Proteinat ndihmojnë që të ndiheni të ngopur për më gjatë.

Mbështesin funksionimin e trurit: Kolina kontribuon në funksionimin normal të trurit dhe sistemit nervor.

Ndihmojnë shëndetin e syve: E verdha e vezës përmban luteinë dhe zeaksantinë, dy antioksidantë që lidhen me shëndetin e syve.

Sa vezë mund të konsumoni?

Për shumicën e njerëzve të shëndetshëm, një vezë në ditë mund të jetë pjesë e një ushqyerjeje të ekuilibruar. Megjithatë, sasia e përshtatshme varet nga gjendja shëndetësore, niveli i kolesterolit dhe pjesa tjetër e dietës.

Ekspertët këshillojnë që vezët të përgatiten në mënyra të shëndetshme, si të ziera ose të gatuara me pak vaj, duke i kombinuar me perime dhe ushqime të pasura me fibra.

Vezët nuk janë një ushqim që duhet shmangur pa arsye, por si çdo produkt tjetër, rëndësi ka sasia dhe mënyra e konsumimit.

Sinjali – aty ku e vërteta flet para lajmit!

/GazetaSinjali/

The post A është e shëndetshme të hani vezë çdo mëngjes? Ja çfarë përfitimesh kanë për organizmin appeared first on Sinjali.

Amfiteatri romak i Durrësit do t’i nënshtrohet një procesi restaurimi që pritet të zgjasë një vit, me synimin për të përforcuar strukturat antike të dëmtuara nga lagështira dhe për të përmirësuar sigurinë e vizitorëve. Një kompani e licencuar për ndërhyrje restauruese ka nisur ditët e fundit punimet në galerinë veriore të monumentit, ku ndërhyrjet e […]The post Lagështira kërcënon Amfiteatrin e Durrësit, nisin punimet restauruese appeared first on Reporter.al.

LUBJANË (Slloveni) – Zgjedhje komunale në Slloveni. PRAGË (Republika Çeke) – Demonstratë kundër heqjes së tarifës së licencës televizive në Republikën Çeke. PNOM PEN (Kamboxhia) – Samiti i Frankofonisë. REDMOND (Shtetet e Bashkuara) – 25-vjetori i lëshimit të konsolës së parë Xbox të Microsoft. MANILA (Filipine) – Samiti i 49-të i ASEAN. PEKIN (Kinë) – […]

PARIS, 15 nëntor /ATSH-AFP/ – Bergamoto si zgjedhje e parë, iris pallida si zgjedhje e mesme dhe algoritmi si zgjedhje bazë. Edhe në botën magjepsëse të parfumeve, inteligjenca artificiale ka fituar terren, duke përshpejtuar proceset kërkimore dhe duke hapur horizonte të reja, pa zëvendësuar ekspertizën e krijuesit të parfumeve. Me hapjen e ”Maison des Parfums” […]

Zlatan Ibrahimovic ka shprehur edhe një herë lidhjen e veçantë që ka me Milanin, duke e cilësuar klubin italian si skuadrën më të rëndësishme në jetën e tij dhe të vetmen që arriti ta bindte të rikthehej.

Legjenda suedeze ka shkruar parathënien e librit “Il Milan nel mondo”, të gazetarit Mauro Suma, i botuar nga shtëpia botuese Giunti. Libri u prezantua këtë javë në Casa Milano, selinë e klubit kuqezi.

Në parathënien e tij, Ibrahimovic kujtoi karrierën e gjatë, fanellat e rëndësishme që ka veshur dhe trofetë e fituar, por theksoi se Milani ka pasur një domethënie të veçantë për të.

“Milani është skuadra më e rëndësishme në jetën time. Dhe e vetmja që më bindi të kthehesha. Gjatë karrierës sime, kam veshur fanella legjendare, kam luajtur në qytete të bukura dhe kam fituar kudo. Por Milani ishte diçka ndryshe. Ishte i vetmi klub që mund të më rikthente vërtet, i vetmi që më bëri të ndieja nevojën për të filluar nga e para”, shkroi suedezi.

Ai pranoi se nuk është e lehtë ta bindësh për një rikthim, por Milani ia doli ta bëjë këtë më shumë se një herë. Sipas tij, lidhja me ngjyrat kuqezi ka tejkaluar futbollin dhe trofetë.

“Kjo do të thotë që midis meje dhe këtyre ngjyrave është krijuar një lidhje që shkon përtej futbollit, përtej trofeve, madje edhe përtej kohës. Herën e parë Milani më dha lumturi, herën e dytë dashuri”, deklaroi Ibrahimovic.

Tri periudha të ndryshme te Milani

Ibrahimovic u transferua për herë të parë te Milani në vitin 2010 nga Barcelona. Pas dy sezonesh, ai u largua drejt Paris Saint-Germainit, ndërsa në janar të vitit 2020 u rikthye në San Siro.

Suedezi qëndroi te klubi italian deri në përfundimin e karrierës si futbollist, në qershor të vitit 2023.

Gjatë dy periudhave si lojtar i Milanit, ai zhvilloi gjithsej 163 ndeshje, shënoi 93 gola dhe regjistroi 35 asistime. Me fanellën kuqezi fitoi dy tituj të kampionit të Italisë dhe një Superkupë të Italisë.

Megjithatë, largimi nga futbolli i luajtur nuk e ndërpreu lidhjen e tij me klubin. Në dhjetor të vitit 2023, Ibrahimovic u rikthye te Milani, këtë herë në rolin e Këshilltarit të Lartë të RedBird, pronarit të klubit.

Sinjali – aty ku e vërteta flet para lajmit!

/GazetaSinjali/

The post Ibrahimovic rrëfen dashurinë për Milanin: Herën e parë më dha lumturi, herën e dytë dashuri appeared first on Sinjali.

Një sulm me dronë ndaj rajonit rus të Rostovit gjatë natës së 15 nëntorit vrau inxhinierin kryesor të një nënstacioni elektrik në Taganrog dhe plagosi katër persona të tjerë, siç njofton The Kyiv Independent, duke cituar guvernatorin rajonal Yuri Slyusar. Sipas Slyusarit, i cili e dha njoftimin në Telegram, tre burra dhe një grua u […]

Hudhra dhe mjalti janë dy përbërës natyralë që përdoren prej kohësh në mjekësinë tradicionale. Të kombinuar së bashku, ata krijojnë një përzierje që është bërë e njohur për përmbajtjen e substancave bioaktive dhe vetitë e mundshme antioksiduese.

Hudhra përmban alicinë, një përbërës që krijohet kur thelbi i saj shtypet ose pritet dhe që është studiuar për efektet e mundshme antimikrobike. Ndërsa mjalti përmban antioksidantë dhe mund të ndihmojë në qetësimin e kollës dhe irritimit të fytit.

Si përgatitet përzierja?

Për këtë recetë nevojiten vetëm dy përbërës:

1 kokë hudhër;

1 kavanoz i vogël me mjaltë natyral.

Mënyra e përgatitjes:

Qëroni thelpinjtë e hudhrës dhe lajini nëse është e nevojshme, duke i tharë plotësisht.

Shtypini ose pritini në copa të vogla.

Vendosini në një kavanoz të pastër dhe të thatë.

Shtoni mjaltin derisa hudhra të mbulohet plotësisht.

Mbylleni kavanozin dhe ruajeni në frigorifer.

Përzierja mund të përdoret në sasi të vogla si pjesë e ushqimit të përditshëm.

Çfarë duhet të dini për përfitimet?

Hudhra është studiuar për ndikimin e mundshëm në tensionin e gjakut dhe nivelet e kolesterolit, ndërsa mjalti mund të ndihmojë në lehtësimin e kollës. Megjithatë, nuk ka prova të mjaftueshme shkencore që kombinimi i tyre parandalon ose shëron infeksionet, gripin apo sëmundje të tjera.

Kujdes: Mjalti nuk duhet t’u jepet fëmijëve nën moshën një vjeçare. Personat që përdorin barna për hollimin e gjakut ose kanë probleme shëndetësore duhet të këshillohen me mjekun përpara se të konsumojnë sasi të mëdha hudhre.

Sinjali – aty ku e vërteta flet para lajmit!

/GazetaSinjali/

The post Hudhra me mjaltë, përzierja tradicionale që përgatitet në shtëpi – si përdoret dhe çfarë përfitimesh mund të ketë? appeared first on Sinjali.

The post KOMENT – Revolucion në parfumeri, IA zbulon aroma të pamenduara dhe sfiduese appeared first on Agjencia Telegrafike Shqiptare.

Ministria e Financave ka publikuar në Gazetën Zyrtare Udhëzimin Administrativ (MF) Nr. 03/2026, përmes të cilit plotësohet dhe ndryshohet udhëzimi i vitit 2018 për vlerësimin e rrezikut kombëtar nga pastrimi i parave dhe financimi i terrorizmit.

Udhëzimi i ri, i nënshkruar nga ministri i Financave, Hekuran Murati, përcakton kërkesa shtesë për raportimin e strukturës institucionale dhe procedurave që lidhen me parandalimin e këtyre veprave.

Përmes nenit 3 të udhëzimit, në nenin 4 të aktit bazë janë shtuar dy paragrafë të rinj, 1.6 dhe 1.7.

Paragrafi 1.6 parasheh raportimin për strukturën institucionale dhe procedurat e përgjithshme të sistemit për parandalimin e pastrimit të parave dhe luftimin e financimit të terrorizmit.

Në këtë raportim përfshihen Njësia e Inteligjencës Financiare, autoritetet tatimore dhe prokuroritë, si dhe të dhënat për burimet njerëzore dhe financiare të ndara për këto institucione, për aq sa informacioni është në dispozicion.

Ndërkaq, paragrafi 1.7 përcakton raportimin për përpjekjet kombëtare dhe burimet e alokuara në luftën kundër pastrimit të parave dhe financimit të terrorizmit, përfshirë numrin e punonjësve dhe buxhetin e ndarë.

Sipas Ministrisë së Financave, ndryshimet synojnë plotësimin e udhëzimit të vitit 2018 dhe transpozimin e plotë të Direktivës së Bashkimit Evropian 2015/849, të ndryshuar me Direktivën (BE) 2018/843.

Këto direktiva lidhen me parandalimin e përdorimit të sistemit financiar për pastrimin e parave dhe financimin e terrorizmit.

Sinjali – aty ku e vërteta flet para lajmit!

/GazetaSinjali/

The post Kosova ndryshon udhëzimin për vlerësimin e rrezikut nga pastrimi i parave dhe financimi i terrorizmit appeared first on Sinjali.

Emisioni i së shtunës i Lucha Libre AAA Worldwide në FOX, nga Gimnasio Olímpico Juan de la Barrera në Mexico City, solli ndryshim në krye të promocionit: sipas raportimit të plotë të rezultateve nga F4WOnline, Bordi i Drejtorëve emëroi Dorian Roldán menaxher të përgjithshëm të përkohshëm të AAA-s, në vend të Rey Mysterios, i cili […]

Të martën, më 17 nëntor, në orën 10:00, do të shpallet aktgjykimi ndaj ish-presidentit Hashim Thaçi dhe të tjerëve në gjykimin për administrim të drejtësisë në Dhomat e Specializuara të Kosovës në Hagë.

Në këtë proces gjyqësor, përveç Thaçit, të akuzuar janë edhe ish-shefi i AKI-së, Bashkim Smakaj, ish-kryetari i Malishevës, Isni Kilaj, Fadil Fazliu dhe ish-ministri i Drejtësisë, Hajredin Kuçi.

Sipas aktakuzës së konfirmuar më 29 nëntor 2024, Thaçi dhe të tjerët akuzohen për vepra penale që lidhen me pretendime për përpjekje të paligjshme për të ndikuar në dëshmitë e dëshmitarëve në procesin gjyqësor për krime lufte.

Në aktakuzë pretendohet se, gjatë periudhës 12 prill – 2 nëntor 2023, Thaçi u kishte dhënë Smakajt, Kilajt, Fazliut dhe Kuçit informacione konfidenciale lidhur me dëshmitarët e Zyrës së Prokurorit të Specializuar, si dhe udhëzime për të ndikuar në dëshmitë e tyre.

Prokuroria pretendon gjithashtu se Thaçi kishte bashkërenduar tri grupe të veçanta, me qëllim të ndikimit në dëshmitë e dëshmitarëve në gjykimin për krime lufte.

Ndaj Thaçit janë ngritur tri akuza për tentativë për pengim të personave zyrtarë në kryerjen e detyrave zyrtare, katër për shkelje të fshehtësisë së procedurës dhe katër për mosbindje ndaj gjykatës.

Ndërkaq, ndaj Smakajt, Kilajt dhe Fazliut janë ngritur nga dy akuza secilit, ndërsa ndaj Kuçit dy akuza për mosbindje ndaj gjykatës.

Në kuadër të kërkesës për dënim, Prokuroria ka kërkuar që Thaçi të dënohet me gjashtë vjet burgim. Ajo ka kërkuar gjithashtu që koha e kaluar në paraburgim të mos i llogaritet në dënimin e mundshëm.

Kujtojmë se më 16 shtator të këtij viti, Thaçi u dënua me 25 vjet burgim në rastin e gjykimit ndaj ish-krerëve të UÇK-së.

Sinjali – aty ku e vërteta flet para lajmit!

/GazetaSinjali/

The post Më 17 nëntor shpallet aktgjykimi ndaj Thaçit dhe të tjerëve për rastin e administrimit të drejtësisë appeared first on Sinjali.

Ditën e diel vendi ynë pritet të ndikohet nga kushte atmosferike të paqëndrueshme.
Moti

parashikohet me kthjellime në pjesën e parë të ditës (orët e para të ditës deri në mesditë) dhe pas orëve të mesditës mot me vranësira mesatare deri të dendura.

Reshjet e shiut me intensitet të ulët parashikohet të bëhen prezente pas orëve të mesditës fillimisht përgjatë vijës bregdetare e gradualisht në pjesën tjetër të territorit. Në orët e pasdites dhe orët e mbrëmjes në zonën e veri – veriperëndim – perëndim e jugperëndim reshjet pritet të jenë me intensitet deri mesatar hera – herës shtrëngata afatshkurtra shoqëruar me shkarkesa elektrike. Reshje shiu të rrëmbyeshme për një periudhë të shkurtër kohore.

Last Updated on 15/11/2026 by Anisa

Autoritetet hungareze kundër korrupsionit kanë sekuestruar rreth 19.5 milionë dollarë para, të cilat ishin fshehur në pyje, ndërtesa bujqësore, depo dhe prona private, në kuadër të një hetimi për korrupsion ndaj ish-ministrit të kabinetit të Viktor Orbán.

Në qendër të hetimit është Miklós Seszták, i cili ka mbajtur postin e ministrit të Zhvillimit Kombëtar në Hungari gjatë periudhës 2014-2018. Ai dyshohet për marrje ryshfeti në një skemë që lidhet me kompaninë shtetërore të transportit dhe blerjen e autobusëve të përdorur me çmime të fryra.

Sipas deklaratës së Zyrës Kombëtare të Rimëkëmbjes dhe Mbrojtjes së Pasurive (NVVH), kontrollet u zhvilluan të enjten dhe të premten në disa lokacione, ku hetuesit zbuluan shuma të mëdha parash të fshehura në vende të ndryshme.

Shuma e sekuestruar përfshin: 5,071,632,000 forinta hungareze; 2,658,350 euro; 1,257,100 dollarë amerikanë.

Vlera e përgjithshme e parave të sekuestruara llogaritet në rreth 19.5 milionë dollarë. Autoritetet konfirmuan se paratë janë depozituar në llogarinë e Thesarit të Shtetit Hungarez.

Ministri i Financave, András Kármán, bëri të ditur se 12 punonjës të Thesarit u angazhuan për tetë orë për numërimin e parave, duke përdorur pesë makina numërimi.

Hetimi vjen pas ndryshimit të pushtetit në Hungari, ku Péter Magyar fitoi zgjedhjet e prillit, duke i dhënë fund 16 viteve të qeverisjes së Viktor Orbán. Gjatë fushatës, Magyar kishte premtuar hetimin e dyshimeve për korrupsion dhe abuzim me detyrën gjatë qeverisjes së paraardhësit të tij.

Në javët e fundit, hetimet janë zgjeruar edhe ndaj figurave të tjera të lidhura me ish-qeverinë. Sipas raportimeve, dy ish-ministra të tjerë të periudhës së Orbán dhe vëllai i ish-kryeministrit janë përfshirë në hetime të ndryshme.

Kryeministri Péter Magyar e përshëndeti sekuestrimin e parave, duke e cilësuar atë si një moment të rëndësishëm në përpjekjet për të luftuar korrupsionin.

“Kjo shënon zyrtarisht fundin e mafies Fidesz-KDNP!”, deklaroi ai, duke iu referuar ish-koalicionit qeverisës./ad

 

LUBJANË (Slloveni) – Zgjedhje komunale në Slloveni.

PRAGË (Republika Çeke) – Demonstratë kundër heqjes së tarifës së licencës televizive në Republikën Çeke.

PNOM PEN (Kamboxhia) – Samiti i Frankofonisë.

REDMOND (Shtetet e Bashkuara) – 25-vjetori i lëshimit të konsolës së parë Xbox të Microsoft.

MANILA (Filipine) – Samiti i 49-të i ASEAN.

PEKIN (Kinë) – Hyn në fuqi ndalimi i zotërimit ose ruajtjes së dronëve në Pekin.

HANOI (Vietnam) – Vizita e presidentit kilian José Antonio Kast në Vietnam.

ISLAMABAD (Pakistan) – Konferenca e Këshillit të Ministrave të Jashtëm të Organizatës së Bashkëpunimit Ekonomik (ECO).

GUATEMALË (Guatemalë) – Funerali shtetëror për laureatin e çmimit Nobel në Letërsi Miguel Angel Asturias, i cili vdiq në vitin 1974 dhe hiri i të cilit u varros më parë në Paris./ a.jor.

The post AGJENDA NDËRKOMBËTARE 15.11.2026 appeared first on Agjencia Telegrafike Shqiptare.

Udhëtarët mes Britanisë dhe Francës do t'i bëjnë kontrollet e pasaportës dhe të shenjave të gishtave nga makina, në kioska drive-through në Folkestone dhe Calais, në një provë dyvjeçare që synon të shmangë radhët e gjata nga sistemi i ri evropian i hyrje-daljeve.

Last Updated on 15/11/2026 by Anisa

Kryeministri në detyrë i Izraelit, Benjamin Netanyahu, ka përsëritur thirrjen për krijimin e një qeverie të unitetit kombëtar me rivalin e tij politik, Gadi Eisenkot, por ky i fundit e ka refuzuar propozimin, duke e cilësuar si një manovër politike.

Përplasja mes dy politikanëve vjen në një moment kur Eisenkot po zhvillon negociatat për formimin e qeverisë së re, pasi është mandatuar për këtë detyrë. Ai ka një afat prej 28 ditësh, me mundësi zgjatjeje edhe për 14 ditë të tjera.

Në një deklaratë me video, Netanyahu tha se takimi i zhvilluar me Eisenkot të enjten e kishte bindur edhe më shumë për domosdoshmërinë e krijimit të një qeverie uniteti, me qëllim garantimin e sigurisë së Izraelit.

Sipas tij, një qeveri e tillë do të mund të përballonte sfidat e sigurisë, veçanërisht kërcënimin nga Irani, i cili sipas Netanyahut përbën një rrezik serioz për vendin.

“Le të takohemi në një dhomë, pa parakushte, të lëmë mënjanë të gjitha mosmarrëveshjet dhe bojkotet tona dhe të arrijmë marrëveshje për sigurinë dhe të ardhmen e shtetit”, deklaroi Netanyahu.

Por propozimi i tij u hodh poshtë nga Eisenkot, i cili e akuzoi kryeministrin në detyrë se po përdor thirrjet për unitet si një strategji politike, ndërkohë që negociatat për krijimin e qeverisë janë duke vijuar.

“Netanyahu e di që i humbi zgjedhjet. Ai bën thirrje për negociata ndërsa ato janë duke u zhvilluar tashmë; pretendon se dëshiron unitet, por mbjell përçarje dhe nxit tensione sikur të mos kishte të nesërme”, u shpreh Eisenkot.

Ai shtoi se “këto truke nuk funksionojnë tek unë”, duke kundërshtuar publikisht nismën e Netanyahut.

Një tjetër pikë përplasjeje është edhe mundësia e krijimit të një qeverie minoritare, e cila do të mbështetej nga blloku i Eisenkotit dhe do të miratohej me abstenimin e disa partive të tjera në parlamentin izraelit.

Ndërkohë, Netanyahu ka paralajmëruar se një qeveri e tillë do të ishte e dobët dhe e rrezikshme për sigurinë e vendit./ad

Erling Haaland foli për çështjen financiare të Manchester Cityt, pasi klubi anglez u shpall fajtor për 114 shkelje të rregullave financiare të Ligës Premier.

Sulmuesi norvegjez, i cili është në grumbullim me përfaqësuesen e Norvegjisë, tha se e ka të vështirë t’i përgjigjet pyetjes për këtë rast, pasi nuk ka shumë informacion dhe nuk ka lexuar gjerësisht rreth tij.

Haaland u shpreh se pret që përgjigjet të dalin në ditët në vijim, por nuk e di saktësisht se kur do të ndodhë kjo.

Sa i përket lidhjes së tij me klubin, ai theksoi se është lojtar i Manchester Cityt dhe ndihet jashtëzakonisht i lumtur aty.

Manchester City e ka apeluar vendimin e komisionit të pavarur. Seanca dëgjimore pritet të zhvillohet para përfundimit të këtij viti dhe, nëse vendimi konfirmohet, klubi pritet të mësojë dënimin para fundit të këtij sezoni.

The post Haaland pyetet për çështjen financiare të Cityt: Nuk di mjaftueshëm për të dhënë përgjigje appeared first on Albeu.com.

TIRANË, 15 nëntor /ATSH/ Shërbimi Meteorologjik Ushtarak njoftoi se sot vendi ynë pritet të ndikohet nga kushte atmosferike kryesisht të paqëndrueshme.

Moti parashikohet me kthjellime e alternime vranësirash mesatare deri të dendura, këto të fundit pas orëve të mesditës.

Reshjet e herëpashershme të shiut me intensitet kryesisht të ulët priten të bëhen prezente nga orët e mesditës, fillimisht përgjatë vijës bregdetare e gradualisht në pjesën tjetër të territorit.

Reshjet priten të jenë të herëpashershme me intensitet të ulët, hera-herës shtrëngata afatshkurtra.

Era parashikohet të fryjë me drejtim juglindje – jugperëndim me shpejtësi mesatare 8 m/s, e cila hera-herës pritet të fitojë shpejtësi deri në 15 m/s, kryesisht përgjatë vijës bregdetare dhe zonave luginore të vendit, shoqëruar me valëzim në dete të forcës 2-4 ballë.

QYTETET	Temperaturat	Siglat
Shkodër	10/18	Diell re shi
Kukës	3/15	Diell re shi
Lezhë	9/18	Diell re shi
Dibër	5/14	Diell re shi
Durrës	10/21	Diell re shi
Tiranë	11/22	Diell re shi
Elbasan	10/22	Diell re shi
Berat	10/22	Diell re shi
Vlorë	12/23	Diell re shi
Korçë	7/12	Diell re shi
Gjirokastër	9/21	Diell re shi
Sarandë	13/22	Diell re shi

 

The post Mot i paqëndrueshëm, nga mesdita reshje shiu appeared first on Agjencia Telegrafike Shqiptare.

Last Updated on 15/11/2026 by Anisa

Dashi

Ritmi i ditës ngadalësohet dhe Hëna mund t’ju bëjë disi të paduruar, ndaj shtyjini bisedat delikate derisa të jeni më të qetë. Në punë dhe në familje nevojitet durim për të mbrojtur idetë tuaja me argumente konkrete dhe pa ngritur zërin.

Demi

Kjo ditë ju fton të zgjidhni një aktivitet që ju bën të ndiheni mirë, si një shëtitje apo një darkë e lehtë për të rikuperuar energjitë. Në dashuri, mos lejoni që tensionet e vogla shtëpiake të ndikojnë në qetësinë me partnerin.

Binjakët

Keni një mendje shumë aktive dhe aftësi të shkëlqyer komunikimi, gjë që ju ndihmon të zhbllokoni një situatë të ndërlikuar. Në dashuri rikthehet dëshira për lehtësi dhe argëtim, duke sjellë takime të këndshme për beqarët dhe harmoni për çiftet.Gaforrja

Hëna mund të sjellë ndonjë pengesë të vogël në punë ose lodhje fizike, por Mërkuri favorizon idetë e reja dhe marrëveshjet interesante. Keni energji të mjaftueshme për të mbrojtur personalitetin tuaj dhe për të mos lejuar askënd t’ju nënshtrojë.

Luani

Jeni shumë këmbëngulës në veprimet tuaja, edhe pse propozimet tuaja mund të mos marrin menjëherë jehonën që prisni. Dashuria ecën mirë dhe pa pengesa, ndaj shijojeni këtë qetësi sentimentale larg njerëzve keqdashës.

Virgjëresha

Yjet ju dhurojnë një lajm shumë të mirë në fushën financiare, ku një çështje që e mendonit të humbur mund të konkretizohet. Humori është në nivele të larta, por në dashuri tregohuni të kujdesshëm që një xhelozi e vogël kalimtare të mos keqkuptohet.

Peshorja

Një Hënë kundër mund të sjellë pak nervozizëm ose keqkuptime të vogla në familje dhe në çift. Mos i forconi situatat që nuk zgjidhen sot, pasi e diela do të sjellë një atmosferë shumë më të favorshme për ndjenjat.

Akrepi

Jeni në pritje të zgjidhjeve për disa çështje të rëndësishme dhe shumë shpejt do të merrni përgjigjen që dëshironi. Në dashuri, nëse partneri tregohet i ftohtë, mos nxitoni me supozime, por vlerësoni gjestet konkrete.

Shigjetari

Jeni ndër shenjat më të favorizuara të fundjavës, me një qiell që sjell rikuperim të përgjithshëm dhe dëshirë për risi apo udhëtime. Nëse jeni beqarë, mos hezitoni t’i thoni po një ftese që ju zgjeron horizontet.

Bricjapi

Hëna në shenjën tuaj ju sjell kthjelltësi mendore dhe ju ndihmon të konkretizoni planet në punë dhe në ndjenja. Megjithatë, zgjidhni vetëm një prioritet urgjent për sot dhe lëreni mbrëmjen të lirë për t’u çlodhur.

Ujori

Idetë tuaja gjejnë mbështetje në një rreth shoqëror që e vlerëson origjinalitetin tuaj. Një telefonatë me partnerin mjafton për të organizuar një mbrëmje ndryshe nga rutina e zakonshme.

Peshqit

Dita nis shkëlqyeshëm si në punë ashtu edhe në dashuri, duke krijuar kushte ideale për kërkesa profesionale ose ekonomike. Zemrat e vetmuara mund të përjetojnë emocione të bukura, ndërsa mbrëmja me miqtë ju ndihmon të shkëputeni nga stresi./ad